2016 йилги Рио-де-Жанейро олимпиадасида бокс бўйича мусобақанинг -64 кг вазн тоифасида олтин медаль соҳиби. Осиё ва жаҳон вице-чемпиони.

1991 йил 16 июнь куни Тошкент вилоятининг Бекобод шаҳрида туғилган.

Бир неча бор миллий чемпионатлар ва Украина, Россия, Германия, Озарбойжон ва бошқа мамлакатларда ўтказилган халқаро мусобақаларда шоҳсупадан жой олган.

2012 йили Лондон олимпиадасида фахрли 5-ўринни эгаллаган.

2015 йили Ўзбекистон давлат жисмоний тарбия институтини тамомлаган. Шу йили Таиландда ўтказилган Осиё чемпионати ва Қатардаги жаҳон чемпионатида финалга чиқиб, кумуш медалларга сазовор бўлган ҳамда Рио-де-Жанейро ўйинларига йўлланмани қўлга киритган.

Рио-2016 рингида Ғоибназаров Конго вакили Дивал Дзамалоу, ҳиндистонлик Манож Кумар, АҚШ вакили Гэри Рассел ҳамда россиялик Виталий Дунайцевни мағлубиятга учратгиб финалга чиққан. Озарбайжон термаси шарафини ҳимоя қилган асли кубалик Коллазо Сотомайор билан жангда зафар қучиб, олимпиада чемпионига айланган.

2017 йили профессионаллар сафидаги фаолиятини муваффақиятли бошлади. Дастлабки уч жангида рақиблари устидан ишончли ғалаба қозонди.

“Ўзбекистон ифтихори” фахрий унвони билан мукофотланган